రైతు రాజకీయంలో - విజయరాజకుమార్ నరిశెట్టి

http://kinige.com/book/Rythu+Rajakeeyamlo+Vijayarajakumar+Narisetty
విజయరాజకుమార్ అనేది ఆయన స్వయంగా పెట్టుకున్న పేరు. తల్లిదండ్రులు పెట్టిన పేరు థామస్. పాతరెడ్డిపాలెంలో కాథలిక్కులు ఉండేవారు. తల్లిదండ్రులు ఆ శాఖకు చెందినవారు. కానీ తండ్రి రాజయ్య మతాన్ని పాటించేవారు కాదు. తల్లి మాత్రమే అనుసరించేది. విజయరాజకుమార్ తొలుత మతానికి దూరంగా రాజకీయాలలో ఉన్నారు. రోమన్ కాథలిక్కులు ఆ గ్రామానికి, గుంటూరు జిల్లాకు తరలివచ్చిన వారు. కడపలో గండికోట ప్రాంతం నుండి వచ్చిన వారని విజయ రాజకుమార్ కొంత పరిశోధన చేసి చెబుతుండేవారు.
* * *
1952 నుండి 65 వరకు కోస్తా తీరంలో తెలుగువారి తిరుగులేని రాజకీయోపన్యాసులుగా పదిహేను సంవత్సరాల పాటు విజృంభించిన విజయరాజకుమార్ సంక్షిప్త చరిత్ర ఇది. ఆంధ్ర ఏర్పడిన రోజులు మొదలు విజయరాజకుమార్ రాజకీయాలలో ఆకర్షనీయమైన ప్రసంగాలు చేసి జనాన్ని విపరీతంగా ఆకట్టుకున్నారు. ఆచార్య రంగా(1900-1995) అనుచరుడిగా కృషికార్ లోక్ పార్టీ(1951), ఐక్య కాంగ్రెస్, స్వతంత్ర్య పార్టీలో ఆయనకు విపరీతంగా డిమాండు వుండేది. కోస్తా జిల్లాలలో బహుశా ఆయన పర్యటించని ప్రాంతం, ఉపన్యసించని కేంద్రాలు అరుదు అని చెప్పవచ్చు. ఆంధ్రలో కమ్యూనిస్టులు అధికారంలోకి రాకుండా కీలకోపన్యాసాలుచేసిన వ్యక్తిగా ఆయన జనాన్ని ఆకర్షించారు. ఎన్.వీరాచారి, విజయరాజ కుమార్‌లు జంటగా పర్యటనలు చేసి తొలి ఎన్నికలలోను, 1955లో జరిగిన ఉపఎన్నికలలోను విజృంభించి తమ ప్రసంగాలతో ఉర్రూతలూగించేవారు. కమ్యూనిస్టులు వీరిని ‘రంగాగారి రేచు కుక్కలు’ అని దూషించేవారు. కామన్ ప్లాట్‌ఫాం మీదకు వచ్చి తనతో పాటు ప్రజల ఎదుట మాట్లాడమని సవాలు చేసినా కమ్యూనిస్టులు ఎవరూ ముందుకు రాలేకపోయారు. పామర జనానికి అర్ధమయ్యేటట్లు వీరాచారి మాట్లాడగా చదువుకున్న వారికి, యువతకు బాగా హత్తుకుపోయేటట్లు విజయరాజ కుమార్ మాట్లాడేవాడు. ఆయన మార్క్సిజంలో బాగా రిఫరెన్సులు ఇచ్చేవారు. కమ్యూనిస్టుల నోరు మూయించడానికి ఆయన వాదనలు తోడ్పడ్డాయి. అలాంటి వ్యక్తిని గురించి ఇంతవరకు తెలియని విషయాలు అందించే ప్రయత్నమిది.

పుస్తక పరిచయం: అబద్ధాల వేట – నిజాల బాట

link: for all article of ABADDAALA VETA  NIZAALA BAATA  IN TELUGU
click on the link:https://paradarsi.wordpress.com/2012/02/01/book_review_abaddhalaveta/


Read all articles or click on పుస్తకం దింపుకోండి! to download the book. Links are working excellent.









పుస్తక పరిచయం: అబద్ధాల వేట – నిజాల బాట

https://paradarsi.wordpress.com/2012/02/01/book_review_abaddhalaveta/

నరిసెట్టి ఇన్నయ్య రచించిన వ్యాస సంకలనం అబద్ధాల వేట – నిజాలబాట 2005లో ప్రచురణయ్యింది. దానికి కొత్తగా డార్విన్, ప్రేమానంద్, రత్నసభాపతి, లచ్చన్న మీద వివరణాత్మక వ్యాసాలు చేర్చి, ఇప్పుడు ఇ-పుస్తకంగా వెలువడింది. ఈ పుస్తకం గురించి వెనిగెళ్ళ వెంకటరత్నం గారి పుస్తక సమీక్ష.
ఇన్నయ్య చిన్న వ్యాసం రాసినా, పెద్ద వ్యాసం రాసినా దాన్ని తన కోణంలో విశ్లేషించి, చీల్చి చెండాడుతాడు. ఎదుటి వాళ్ళు ఎంతటి వాళ్ళయినా నిజాన్ని నిర్భయంగా చెప్పగలగటం, గట్టిగా బల్లగుద్ది చెప్పటం ఇన్నయ్య ప్రత్యేకత. ఈయన కొరడా దెబ్బలు తగిన వాళ్ళలో వివేకానంద, ప్రకాశం పంతులు, మహాత్మాగాంధీ లాంటి ప్రముఖులున్నారు. ఈ సంపుటిలో చాలా లోతుగా బాబాలు, ‘అంబేద్కర్ ను అంతం చేస్తున్నారు – ఆపగలరా’ ‘ఎమ్. ఎన్. రాయ్ ఇలా చేశాడా’, ‘హిందూ నెపోలియన్ వివేకానంద’, ‘ఏది సత్యం’ గాంధీగారు వ్యాసాలతో పాటు ఎ.జి.కె., జర్నలిస్టు చింతామణి, డి.ఆంజనేయులు, గోరాశాస్త్రిలాంటి వాళ్ళ జీవిత చిత్రణలు ఉన్నాయి. ఇంకా కొన్ని సైన్సు సంగతులు, యోగా, హోమియోపతి, జ్యోతిష్యం గురించి ఉన్నాయి. సైంటిఫిక్ దృక్పథాన్ని ప్రేమించే వాళ్లంతా ఈ వ్యాసాలు తప్పక చదవాలి. చివరకు వెంకటేశ్వర సుప్రభాతం తెలుగులో ఎందుకు పాడరని అందులోని శృంగారాన్ని ఎత్తి చూపారు. అంటే దేవుణ్ణి సైతం వదలలేదన్నమాట. నేను ఏర్పరచుకున్న పేజీల నిడివి దృష్ట్యా కొన్ని వ్యాసాలలో ముఖ్యమైన విషయాలు విశదీకరిస్తాను. ప్రతీ వ్యాసంలో కొత్తదనంతో కూడిన భోగట్టా వుంటుంది. ఎవరి అభిరుచులను బట్టి వాళ్ళు ఆ వ్యాసాలు ఆస్వాదించవచ్చు. ఈ పుస్తకంలోని వ్యాసాలు పాఠకులకు నచ్చుతాయనే నమ్మకం నాకుంది. మనకు తెలియకుండా నిత్య జీవితంలో మూఢనమ్మకాల వైపు మొగ్గుతున్నాం. అది కాస్త తగ్గినా మనలో మార్పు కనబడుతుంది